پچھلی پوسٹ میں بات ہو رہی تھی نمازوں

پچھلی پوسٹ میں بات ہو رہی تھی، نمازوں اور تلاوتوں کی پرفیکشن پر، کہ ہم اپنی نمازوں اور تلاوتوں اور دعاؤں میں پرفیکشن کیسے حاصل کریں۔

آٹھویں نویں کی بات ہے، مجھے علامہ اقبال کا ایک قطعہ بہت اچھا لگنے لگا۔ فارسی اتنی آتی تو نہیں تھی، لیکن قطعہ کی فارسی کسی طرح سمجھ آ گئی۔ میں ایک عرصہ تک اس قطعہ کو دعا کے طور پر استعمال کرتا رہا۔ جب کبھی کوئی مشکل پیش آنی، میں نے وہ قطعہ پڑھنا اور مشکل حل ہو جانی۔ اسی طرح ڈاکٹر صاحب نے ایک شعر بتایا ہوا تھا، وہ بھی پڑھنا اور بات بن جانی۔ 

میں وہ یہاں اس لئے نہیں بتا رہا، کہ وہ میری ڈسکوریز تھیں، آپ اپنی ڈسکوریز کریں۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بات یہ ہے کہ جب کبھی آپ کی کوئی دعا قبول ہو، آپ کو نماز یا تلاوت میں کوئی خوشی محسوس ہو، تو وہ الفاظ، وہ ماحول، وہ احساسات یاد رکھیں۔ پھر اسے ہی دہرائیں۔ اگر رزلٹس اچھے آئیں، کم و بیش ایک جیسے آئیں، تو انہیں اپنی زندگی کا، اپنے اوراد و وظائف کا حصہ بنا لیں۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پرفیکشن کے راستے میں یہ ایک چھوٹا سا ٹپ ہے۔ آپ نے دیکھا ہے  کہ ہر بزرگ کے کچھ اوراد و وظائف تو روائتی ہوتے ہیں، لیکن کچھ مختلف ہوتے ہیں، جو اور کسی کے ہاں نظر نہیں آتے۔ بس وہ ان سے جڑا رہتا ہے، وہی اس کی بزرگی کا باعث ہوتے ہیں۔ 

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اللہ تعالیٰ ہمارے دلوں کو صراط مستقیم کی پہچان نصیب فرمائے، آمین۔ 

۔۔۔۔۔۔۔۔۔۔۔۔۔۔۔۔۔۔۔۔۔

بقلم: حاوی شاہ