یا اللہ تیرا شکر ہے،
تیری مہربانیوں اور عنائتوں کا،
تیری قربتوں اور محبتوں کا،
تیری رحمتوں اور برکتوں کا،
تیری عطا کی ہوئی تمام نعمتوں کا،
تیری آسائشوں کا، تیری سہولتوں کا،
تیری حفاظتوں کا، تیری آسودگیوں کا،
تیری خوبصورتیوں کا، تیری خوشیوں کا،
تیری عبادتوں کا، تیری دولتوں کا،
یا اللہ تیرا بے شمار شکر ہے، تیری عطا کردہ تلاوتوں اور نمازوں پر،
تیرے عطا کردہ عبادتوں کے مواقع، اور ان کی لذتوں پر،
تیری عطا کردہ تہجدوں، فجروں، ظہروں، عصروں، مغربوں اور عشاؤں پر،
تیری قبول کردہ دعاؤں پر،
تیری انعام کردہ شفاؤں پر،
یا اللہ تیرا بے شمار شکر ہے، تیری نعمتوں کی فراوانیوں پر،
تیری طرح طرح کی مہربانیوں پر،
تیرے نازل کردہ من و سلوٰی سے دانے پانیوں پر،
یا اللہ تیرا بے شمار شکر ہے، اتنے اچھے زمانے پر،
اتنے پیارے اور خوبصورت لوگوں میں پیدا فرمانے پر،
اور ہر اس چیز کے بدلے میں، میں قاصر ہوں جسے بتانے پر،
۔۔۔۔۔۔۔۔۔۔۔۔۔۔
اللہ تعالیٰ ہمیں ہر روز، ہر گھڑی، ہر دم، زیادہ سے زیادہ شکر کرنے کی بصیرت عطا فرمائے، آمین۔
۔۔۔۔۔۔۔۔۔۔۔۔۔۔۔۔
No comments:
Post a Comment